巴打些牙：港男喜訊

兩年前有個調查報告指出，香港男性平均陰莖勃起長度為11.19厘米，排名為調查中19個亞洲國家中嘅第10位，比日本排名高一位，所以港男唔使自卑。最近又有一個調查為港男帶來喜訊，原來我哋嘅平均長度只係比美國男士差少少而已。話說美國印第安納大學早前喺美國國內進行調查，搵到1,661個性生活活躍嘅男人取得陰莖勃起長度數據，而該調查負責人就表示今次數據來源比以往嘅更準確，因為調查要求提供資料嘅男士需要請伴侶吹奏，然後才進行量度，原因係來自伴侶嘅刺激一定比起搵五姑娘更強，令勃起度更高！最後，數據經整理之後就得出美國男士平均勃起長度為14.15厘米，比我哋港男長約長3厘米，即係一吋多啲啲，如果下次有機構嚟香港做同類調查，又要求搵伴侶吹奏再量度，相信相距一定進一步收窄啫。