渡海濠情：水瓶男人冇厘醒目

囡囡們最怕男朋友粗心大意，有乜嘢都要畫公仔畫晒出腸，唔明白佢哋一言一行嘅潛台詞，而十二星座中原來水瓶座嘅男士就係這樣漫不經心嘅人，嚟自凱旋桑拿嘅心心話佢前男友就係水瓶座嘅，諗起都激到一肚氣呀！

激到嘔血

心心話：「我呢個男朋友樣子忠厚，加上人品真係好，無論對我同我嘅屋企人都關懷備至，逢年過節，生辰死忌，春秋二祭等，佢都會嚟送禮幫手，但有個缺點就係一啲更細微嘅嘢，佢就冇心裝載，例如我心情唔好想搵佢氹一下，佢就會以為我唔舒服叫我早啲瞓，之後就成晚都唔理人，第二日問佢做乜成晚掂都唔掂吓我？佢話怕我瞓得唔好，你話佢幾咁唔得細心吖！仲有，有時同佢行街，見到啲好想買嘅嘢，我梗係眼定定望住件嘢入神，做男朋友就要意識到女朋友好想買啦！點知佢冇發現不特止，仲會話你行得攰就返屋企囉！大佬！行街自然要買嘢，你嘢都未買就話要返屋企，早知唔出街好過啦！所以呢啲咁唔醒目嘅男朋友，同佢喺埋一齊，真係隨時激到嘔血呀！」

反應全無

男朋友咁唔識得睇人眉頭眼額，真係唔多掂喎！心心話：「呢啲其實都係其次，我同佢分手最主要嘅原因，就係每次親熱都要我先主動或者由我發號施令佢至會有所反應，其他星座嘅男朋友只要我做少少反應，佢哋都即刻意識到我想點啦，邊使我出聲？雖然家陣主倡男女平等，但親熱呢家嘢女方只要稍稍示意，其餘由男方做主動比較適合，跟住移師擺陣等，你唔出聲，佢都唔會改變一下，唔同其他男朋友，你屁股一郁，佢哋就知你想轉身，就算第一次唔明，嚟多兩次就明，但水瓶座嘅男朋友真係一啲反應都冇，所以就算你好有衝動親熱，但畀佢搞得兩搞你會乜嘢慾火都冇晒，所以男朋友如果係水瓶男，你真係要諗清楚，佢哋老實有餘而醒目不足！」