巴打些牙：自娛增強免疫力？

每當季節轉變，都容易令身體難以適應而生病。點樣可以增強免疫力對抗流行病呢？有人會飲多啲水、有人會勤做運動，至於自娛亦可能係其中一個方法，唔係啩？好早之前就已經有專家話自娛對身體健康有益，喺2003年仲有報告指出自娛可以令男士患上前列腺癌嘅機會降低。最近The University Clinic of Essen嘅Dr. Jennifer Landa就話，自娛達到高潮嘅過程會令皮質醇分泌增加，有助調節同維持免疫力平衡喎。另一邊廂，臨床性學家Gloria Brame表示自娛甚有益處，更話適當自娛能夠促進健康，仲好過日日刷牙添！不過，小弟就覺得做任何事都要適可而止。