每當男人見到胸前激凸嘅索女時，總會忍唔住望多幾眼，若然街上有一眾女士袒胸巡遊，仲會興奮到爆添！咪以為呢個只係幻想，事關喺上個月24日嘅美國紐約街頭，就出現眾多半裸女士大巡遊，原來佢哋為咗女性平權日「Go Topless Day」而解放自己胸部。由美國女權組織GoTopless所發起嘅女性平權日早於2007年就開始，舉行日子定喺國際婦女平等日（8月26日）前幾日舉行，而遊行嘅最大特色就係參與巡遊嘅男女，全部都會半裸上陣，除咗喺街上巡行外，部分男女更會踩單車登場，而呢個巡遊不但參與人數眾多，圍觀嘅人更係絡繹不絕。除咗紐約外，其他地方包括加拿大、英國等地亦有類似嘅響應活動。