講到情慾世界嘅「9」字時，大家第一時間會諗起乜嘢？剩係諗到狗仔式嘅話，只能說明你對9字嘅認識唔係咁深。事實上，同9字有關嘅情慾詞語有好多，當中除咗同脫星及AV女優有關外，仲有啲聞所未聞嘅英文俚語，不但可讓大家增長知識，仲可以體驗另一種情色樂趣。
「99」究竟係乜嘢意思呢？唔通佢同性愛體位狗仔式有關？如果咁諗嘅話就啱咗一半，事關佢唔單止係狗仔式咁簡單，佢仲特指專門漫遊後花園嘅狗仔式曳曳。「99」之所以同推車仔漫遊後花園嘅動作扯上關係，據講因為9字睇起嚟好似一個人，而另一個人則從後挺進便產生對呢種體位嘅聯想。早前英國倫敦衞生暨熱帶醫藥學院就針對130名青少年做咗個關於漫遊後花園嘅調查，發現當中有唔少人對呢種玩法有興趣，而原因並非好奇同刺激咁簡單，最重要係可以同朋友分享呢方面嘅經驗時所產生嘅「成就感」，從而可提升自己喺群體中嘅社會地位。
「9 Volt」9伏特電池，亦即係我哋俗語所講「方電」嘅簡稱，只係佢喺情慾俚語中卻有另一個意思，解作女性嘅秘道。點解平常用嘅方電會同女性秘道扯上關係呢？原來網上有謠言稱，如果將條脷伸入女性秘道時，條脷會感受到好似畀方電電到嘅感覺，當中嘅原因係因陰道帶有微酸性，從而令條脷產生好似觸電嘅錯覺，因此美國就有人以「9 Volt」作為女性秘道嘅稱呼。既然秘道會用電池個名嚟取代嘅話，咁秘道興奮時滲出嘅愛液會唔會有其他稱呼呢？有，佢就係「Battery Acid」！即係電池內嘅鉛酸液，咁電池爆咗時內裏嘅鉛酸液咪流晒出嚟囉！係咪好形象化呢？
有套由德國電影公司Cleonice Comino攝製嘅電影，雖然當中嘅演員全部都同美國四仔業有關，但佢卻並非四仔而係一套美國四仔業嘅紀錄片，佢就係喺2008年8月底上映嘅《9 to 5: Days in Porn》。呢套電影最大嘅賣點，並非佢有大量嘅裸露鏡頭，亦唔係佢有明刀明槍上陣嘅床戰，亦唔係因為佢搵嚟Sasha Grey、Roxy Deville、Belladonna、Otto Bauer、Audrey Hollander等多位四仔脫星同超過77位業界人士上陣，而係因為佢攝製經年，前後用咗兩年時間準備及三年時間拍攝，從而令佢成為首套深入探索四仔界嘅紀錄電影。如果想知道四仔業不為人知嘅一面，就一定唔可以錯過呢套曾於2008年蒙特利爾電影節（Montreal Film Festival）首映嘅作品。
喺美國脫星行列中，曾有個花名叫做「Nine」嘅脫星，佢喺1988年6月5日出生，並喺2006年至2007年間活躍於四仔界嘅Nikki Nine。喺18歲出道，即獲得著名四仔製作公司Hustler合約，成為旗下專屬脫星嘅佢，當年人氣相當勁！除咗作品密密推外，又經常Feature各種情趣用品，吸金力及人氣絕對冠絕一眾新進脫星。講到佢嘅成名作，一定唔可以唔提《The Erotic Adventures of Nikki Nine》，佢憑住呢套作品喺同年AVN頒獎禮中，獲得最佳女脫星演出嘅提名，前途可以話係無可限量。不過由於Nine係個性情中人，因為紋身問題而同Hustler鬧翻，最後喺2007年2月初同公司解約後，呢位極具實力嘅脫星便淡出四仔界。
如果有一定年紀嘅話，一定會記得鹹濕IDD電話熱線「173-173-173」，而以後啲人就以「173」嚟總括所有成人收費電話服務，原來美國亦有呢種電話服務暱稱，只不過唔係「173」而係「900 Number」。話說美國對呢種成人收費電話服務，會統一以「900」為電話號碼嘅字頭，因此大家就以「900 Number」作為成人電話服務嘅總稱，就連喺1993年查理辛（Charlie Sheen）電影作品《反斗神鷹續集》嘅對白中，亦用過「900 Number」呢個俚語。事實上，美國嘅成人收費電話服務至今仍相當流行，只係收費唔係每6秒6毫咁平，而係每分鐘要US$2（約HK$15.6），折合即係每6秒約HK1.56呀！
如果今時今日仲係睇緊吉澤明步、明日花綺羅、霞果穗等AV女優嘅話就真係Out喇！須知道日本AV界新人輩出，唔少90後女優實力同外形仲相當超班，當中尤以呢位喺1993年3月23日出生，今年21歲嘅紗倉真菜至為突出。隸屬於SOD嘅佢喺2012年出道，而佢甫出道就連續兩年獲得SOD最優秀女優大獎，而佢嘅出道兼成名作《AV Debut》更成為AV迷必睇嘅作品。除咗AV作品受熱捧外，佢又同另一位AV女優小島麻奈美組成「乙女Frappuccino」進軍樂壇，足見佢實力非凡。喺去年10月中，真菜同日本藝能界大哥級人馬明石家秋刀魚傳出緋聞，只係經過查證後發覺只係煲水新聞。不過諗深一層，佢同藝能界中人走得咁埋，未來應該會向藝能界發展都未定。
撰文：魂