近年法國年輕少女賣淫嘅情況十分嚴重，特別係當地嘅大學生，有關注賣淫嘅組織就做咗個調查，訪問當地18,000名女大學生，發現有2成受訪者認為可以接受賣淫賺錢嘅行為，當中更有三分之二人覺得賣淫唔應該視為罪行；承認有過賣淫經驗嘅女生中，有6成嚟自富裕家庭，佢哋出賣肉體嘅原因，係為咗應付高昂嘅生活開支，其次係同家庭關係唔好，或者失戀後自暴自棄等。有網友就話法國女生可能係受到當地電影《Jeune & Jolie》影響，故事講述一個17歲女生，生於中產家庭，後來因抵受不住種種誘惑，最後踏上賣淫之路。計我話呢啲嘢邊怪得人，同類電影喺香港由80年代《靚妹仔》到今日嘅《微交少女》，可以話不斷推出，又唔見本地賣淫數字大幅上升，所以咪怪人，要防止情況惡化，就要對症下藥，做好輔導青少年工作，咁咪唔會出事囉！