印度有航空公司長期虧蝕，民用航空部決定作出整頓，而眾多整頓建議中，有樣係降低空姐年齡上限，讓大批「空媽」回家湊仔，由年輕空姐頂上，嚟自大富豪桑拿嘅小波就話：「我絕對贊成！」
小波話：「正所謂長江後浪推前浪，一代新人勝舊人，我覺得呢句話真係好有道理，當然有啲憑經驗累積嘅行業，例如醫生、科研人員等，佢哋用年月累積落嚟嘅經驗，全部都十分寶貴，唔能夠講一句新人替代舊人就搞掂，但一啲純以美貌嚟做招徠嘅行業，你都一把年紀，仲唔退落嚟霸住個位，咁真係阻住個地球轉。除非你好似一啲女影星咁，個樣幾十年都冇變，咁就另當別論；但有啲人經過歲月洗禮，樣子又變晒，身材又脹晒，但仲霸住個靠賣樣嘅位置唔走，咁真係好令人反感。好似你行百貨公司，有時見到啲化妝專櫃小姐，如果年輕貌美嘅，你點忙都會抽啲時間嚟聽佢講解啦！」
除咗化妝小姐，仲有乜嘢行業唔能夠出現同樣嘅情況呢？小波話：「我覺得酒水推廣員一定要年輕靚女，我喺內地見過一啲推廣小姐，全部都係由大媽嚟做，佢哋仲要着住性感制服四圍去，見到佢哋一身咁出位嘅造型，唔好話聽佢推銷，就連行埋嚟都唔想，我係女仔都完全頂唔順，其他男士相信一樣支持唔住。但好奇怪呢支推廣隊一直堅持落去，最後係間酒廠支持唔住執咗，所以推銷酒水嘅推廣員，真係要又靚又後生至得，因為第一印象都唔合格，就算你幾好噱頭都難以力挽狂瀾。所以奉勸酒水公司嘅負責人，揀女推廣員時，真係要顧吓大家，咪以為標新立異，就能引人注意，製造神話，有時適得其反，有可能連間廠都頂唔住，真係咪亂嚟呀！」
年齡：20歲
三圍：34-23-34
撰文：小德