渡海濠情：春宮秘技 咪亂去學

照辦煮碗

森森話：「我以前識咗個讀緊大學嘅男朋友，我見佢斯斯文文，所以咪同佢拍拖囉！佢有日發現咗本畫滿春宮圖嘅古書，佢如獲至寶，晚晚喺屋企拉埋我去研究，起初我哋都只係欣賞吓啲圖片，後嚟佢愈睇愈起勁，係都要我同佢照辦煮碗咁去學習春宮圖中嘅招式，畀佢哦得幾哦，哦到我心都軟，於是咪照住嚟親熱囉！最先玩一啲冇乜難度嘅招式，大家都仲配合得到，感覺都不錯，但當玩啲稍高難度嘅動作，就點都配合唔到，唔係高度唔啱，就係力道唔夠，愈玩我就愈冇癮，但我男朋友就愈玩愈起勁，每次唔玩夠十招八招都話唔夠皮，我都唔明白有乜好玩？但佢要求到，我咪順吓佢意囉！最後佢挑戰其中一招最高難度嘅動作時，意外就發生啦！」

整親腰骨

發生乜嘢意外呀？森森話：「嗰招嘅動作，我都唔識講啦！總知佢一衝埋嚟，就整親條腰骨，之後仲郁都唔郁得，足足坐咗輪椅一個月，四、五個月冇得曳曳，我第二個月就想同佢分手，但見佢咁可憐，我至陪多佢幾個月，後嚟佢腰骨好番，但戰鬥力已經大不如前，所以我無辦法再忍落去，於是提出分手，佢事後同啲朋友講，十分後悔當日買咗嗰本春宮圖，佢話唔買就唔睇，唔睇就唔玩，唔玩就唔會受傷，所以佢之後唔敢再亂嚟，我問佢最後將本書點處置，佢笑笑口話送咗畀一個佢最憎嘅朋友，唔知佢老友最後點呢？但呢啲春宮圖，大家睇吓就好啦！學人跟住練習，一定凶多吉少，好似我前男友整親條腰就唔好啦！所以千祈咪制呀！」

森森Profile

年齡：21歲

三圍：34-24-35

撰文：小德　

攝影：阿俊