雖然鹹片觀眾嘅眼光無分國界，但能夠活躍於當地情色電影界嘅艷星一般都係本地人，最多可能都係血統相近嘅外籍艷星，鮮有膚色不同者可以進軍當地市場。之不過，世事總有例外，好似印尼裔嘅蘿拉耿瑟（Laura Gemser）就成功打入意大利情色電影界，成為一代經典艷星。
提到知名情色電影系列，我哋香港有《肉蒲團》、《聊齋艷談》以及《蜜桃成熟時》，相信大家就算未睇過亦一定聽過。至於外國方面，最最最知名嘅就一定係《艾曼紐》系列，諗起主演該電影嘅施維亞姬絲桃於戲中表現出嘅憂鬱、慾求不滿，大家必然同我一樣咁記憶猶新，諗起都慾火蔓延全身。其實，《艾曼紐》仲有一個延續系列，名為《黑色艾曼紐》，而主演呢個系列嘅蘿拉耿瑟同樣係一代經典艷星。蘿拉1950年10月5日於印尼出生，4歲嘅時候就舉家移民荷蘭。讀完高中後，就入讀一間藝術學院，主修時裝設計。及後蘿拉再搬到意大利居住，因樣子標致，又生得一副高挑而苗條嘅好身材，就被人邀請做模特兒。
蘿拉喺模特兒界發展平穩，相繼登陸意大利、比利時同荷蘭時裝雜誌嘅封面，令佢薄有名氣，更幫助佢獲得電影界人士賞識搵佢拍戲。眾多電影當中，蘿拉都係以冷艷形象登場，再配合裸露演出搶鏡，當中最知名、最為人津津樂道就一定係《黑色艾曼紐》系列喇。此系列共有七部之多，拍攝嘅原因係當年《艾曼紐》風靡一時，而自從施維亞姬絲桃拍完第三部後就退下火線，故此就有人搵來氣質同樣冷艷又咁好身材嘅蘿拉延續傳奇。咁多部《黑色艾曼紐》系列當中，蘿拉都有激情演出，無論對住男主角定係女配角佢都主動挑逗同「互動」，當中磨豆腐嘅場面仲相當多。如果唔啱睇的話，正常男女床戲蘿拉都演出搏命，特別係《艾曼紐與最後的食人族》，當中有唔少場面都疑似打真軍添！
撰文：賢