雖然俗語有云食色性也，但係講到最能充分體現呢句說話嘅意思，卻非位於台灣高雄嘅情趣主題餐廳「Funny Sex 18禁不禁」莫屬。呢間位於二樓以情趣為題材嘅餐廳，雖然喺去年6月開幕，但人氣已經相當爆，除咗因為主題令人心跳加速外，內部嘅裝修及玩味都可充分迎合到主題。除咗有人氣極高嘅巨型男根展品外，仲有各種同性有關嘅海報同展品，當中尤以吹氣公仔至為吸引，食客可以邊享受以男女名器盛載嘅美食，仲可以攬住吹氣公仔嚟玩。當然，雖然呢度任何展品都可以掂、可以摸，同埋可以拎嚟影相，但大家要守規矩，唔好搵個吹氣公仔嚟做唔規矩嘅事呀！