唔少脫星為咗搵食，假扮女同拍戲，佢哋落床瞓身同對手又磨又砌，志在多個戲路搵真銀！至於業界有冇真正女同脫星？Trisha Uptown可能係其中一人，阿妹17年嘅四仔生涯磨到今日都未同男優交過手，若然佢係假扮女同，咁應該頒個最佳演技獎畀佢喇！
今年35歲嘅美國脫星Trisha Uptown，18歲時被一位四仔女製片發掘入行，阿妹自稱係一名女同志，的確佢由出道至今都未同男優交過手，玩一王兩后3P遊戲更加未試過。最近有成人新聞網站報道懷疑Trisha公器私用，事緣早前Trisha邀約多位一線脫星拍攝豆腐戲，齊齊上床磨鑊甘，佢表明會將呢部女同片放上其專屬網站內供收費會員觀看，結果事後一直未見有任何作品放上網站，難免令幾位一線脫星感到被騙，懷疑Trisha假借拍攝豆腐四仔嚟滿足個人慾望。然而，當事人並無公開交代事件，只係喺Twitter話每位演出嘅脫星都有收取片酬，希望各位唔好抽佢水博宣傳喎！至於邊個啱邊個錯，只有佢哋自己至知喇！
話時話，Trisha喺四仔界磨足十幾年，仲有乜嘢女未交過手、乜嘢招式未玩過呢？而阿妹最具話題性嘅作品係上年同Wasteland合作嘅《Girl To Girl》，呢部作品玩重口味愉虐，開正阿妹嗰瓣，喺戲內佢一身皮革服示人，十足女王上身，見人就鞭，睇見佢不知玩得幾開心！至於Trisha近排冇新作派街，相信佢已經搵夠上岸。但有傳媒就話Trisha現主力搞網站搵銀，事關佢嘅個人網站「trishauptown.com」定期有更新內容，非常活躍，女同陣容亦相當強勁。有記者問Trisha點樣可以令網站長期保持人氣，阿妹就話佢同粉絲嘅關係好親密，不時相約出嚟見面，至於佢有冇順便同粉絲交流一下床技，就不得而知喇！
出生日期：1979年8月7日
三圍：33B-23-33
身高：5呎1吋
撰文：祖