小弟見過唔少女仔飲酒，最鍾意嘅一定唔會係酒量淺，而係好酒量好酒膽，仲要杯杯清嘅女中豪傑，即使最後溝唔到佢哋，有對手能夠同自己豪情暢飲亦係人生快事，日本女藝人下田美咲就係呢種女中豪傑喇。24歲嘅美咲樣子生得標致可人，但係大家一定估唔到阿妹成年之後就鍾意同班朋友日飲夜飲，飲到醉醉哋仲鍾意大叫大嚷，認真夠粗豪，所以上年日本交友聯誼會協會就頒咗個「聚餐呼叫獎」畀佢，好等佢做代言人，傳染到一班單身女仔亦學佢一樣玩得咁放。另一方面，美咲仲喺視頻網站上載自己嘅飲酒禮儀教學，點擊率相當高，令其人氣隨之上升。美咲近期仲開始行性感路線，大騷一副33-24-35婀娜胴體，《好吃的季節》正係美咲最新推出嘅寫真集。當中美咲會換上性感水着同內衣搔首弄姿，仲會用上大量食物同酒類飲品做道具，又會玩忌廉抹胸等誘人動作，以食物嘅美味襯托自己嘅美色，好味道呀！