泰國唔單止係香港人熱門旅遊地點，對唔少外國人嚟講亦係一個好去處，尤其係著名海島PP島，更係大家耳熟能詳嘅勝地。不過呢個咁具人氣嘅小島，竟然係外國人眼中曳曳嘅熱門「性」地？唔係講笑，有著名男士網站就搞咗個名為「Top 10 Beaches to Have Sex On」嘅調查，發現呢個係個男女夢寐以求野外銷魂嘅地方，理由係高聳嘅山峰具有良好嘅屏風作用，而茂密嘅樹蔭同草叢更可營造舒適嘅環境，最重要係清澈嘅海水方便曳曳後暢泳一番，若然可以喺夜晚嚟就仲正咁話。雖然佢哋講到咁正，但究竟有幾多人真係會喺島上曳曳真係唔知，事關呢個島長年都咁多人嚟，極容易畀人見到，呢種咁大膽嘅行為真係咪亂嚟呀！