加藤鷹識唔識英文我唔知，但肯定目前為止未出過英文書教獨門指技，更未有英文譯本囉！咁若然歐美巴打想學番一招半式莫非要睇日文或中文版本？未必，因為美國都有位臨床性學女博士Dr. Sadie Allison，呢件索爆中女有好多「信徒」，事關佢出過不少男女性教育書刊，又寫專欄，又開網站分享性知識，仲喺網站主持情色節目，邀請名人脫星及自己現身說法談情說性！更巴閉係呢位博士仲有自己性玩具品牌TickleKitty。關於性愛阿姐乜都一手一腳打理，娶到佢真係爽死呀！
但博士都有煩惱o架，早前佢就推出一本新書叫《The Mystery of the Undercover Clitoris》，佢對傳媒話明白女人結構好複雜，無論坊間有幾多書籍教授女性高潮秘笈，要天下女人每次都到達生理高潮仍有一定困難，所以阿姐透過自己身體，結集出一本指技性愛秘笈，圖文並茂講解如何到達高潮喎。
書名：《The Mystery of the Undercover Clitoris》
售價：約HK$117
撰文：魂