小弟一向對各類型演唱會都冇乜興趣，不過，嚟緊9月喺日本舉行嘅音樂節我就好想參與，因為呢個活動有好多AV女優演出，仲有我至愛嘅吉澤明步擔任司儀，你話點可以錯過呀！
日本AV女優近年多咗好多出路，例如蒼井空先轉做演員拍日劇同電影，之後再過江出席各類活動搵真銀，以及到內地為大大小小嘅攝影會做模特兒。當然，家陣最常見嘅就係兼職做歌手，自從2008年，由一班AV女優同水着妹組成嘅惠比壽麝香葡萄登場之後，令眾多女優以及AV業界人士都驚覺女優原來都可以走出AV界，跑上舞台作大型公開演出。之後，同樣由女優組成嘅BRW108以及其他為數少於10人嘅小型女優組合相繼出現，一時間令日本樂壇多咗好多生力軍，最近一眾AV女優更加聯合舉行大型音樂節，名叫「Sexy Idol Music Festa 2014」（稱SIMF）。SIMF嘅演出陣容被形容為「極之豪華」，首先有AV天后吉澤明步擔任司儀，而單飛演出嘅嘉賓有「人類最強BODY」沖田杏梨、萌系扮嘢小天后栗林里莉、17歲活力演出嘅瑠川莉娜以及兩位引退後轉做全職歌手嘅結城莉娜同大和姬呂未等等。
至於女優組合方面，就有PINKEY（成員包括北川瞳、友田彩也香、周防雪子等共6名女優）、最近新成立嘅Million Girls Z（成員有星美梨香、佐倉絆等共4名女優）、由小島麻奈美及紗倉真菜兩位小淫娃組成嘅乙女Frappuccino、櫻由羅同櫻木凜組成嘅P＊cherry，以及由4名女優包括有愛須心亞組成嘅MARSHMALLOW 3D，陣容夠睇頭！
SIMF將會喺9月22日隆重舉行，門票劃一售價3,500日圓，約270港元，地點位於日本川崎市嘅CLUB CITTA'，大家只要Click上http://brw108.com/sexy-idol-music-festa-2014/lineup/就可以睇到購票詳情。主辦單位表示，早於4月就着手籌辦SIMF，目的為咗將成人同音樂兩個元素融為一體，將AV女優嘅地位進一步提高，而音樂節當日一眾女優除咗會熱烈地彈琴熱烈地唱之外，更加保證會有火辣表演，令音樂節有聲有色，實在令人期待呀！
撰文：賢