要數2014年台灣十大展場美少女，一定有今日要介紹嘅紀馨喬，早前7月7日至滿18歲嘅馨喬，喺展場界可謂炙手可熱，事關佢樣子甜美，着上制服或動漫服，更係入形入格，所以深受龍友同網友們嘅歡迎。
仲讀緊書嘅紀馨喬，英文名叫做Sylvia，但佢比較喜歡人哋叫佢做馨喬。馨喬出道都有兩三年，仲未計佢以前玩Cosplay嘅時間，可謂工作經驗豐富，要佢拍攝硬照或者喺展場做騷，全部都難佢唔倒，馨喬最先係跟同學去玩Cosplay，由於樣子清新可人，所以深受龍友嘅歡迎，一見佢就追住嚟拍，佢嘅Cosplay作品不時喺網上看到，所以無論係網友或宅男，都不會對佢陌生，後嚟有廠商睇中佢，邀請佢出席動漫活動或者其他商品展，於是馨喬開始由玩玩吓，轉做兼職騷女郎，近年更做埋平面模特兒，接拍些雜誌同埋商品廣告外，更做埋私拍模特兒，而且尺度愈嚟愈性感，加上馨喬啱啱過咗18歲生日，家陣唔再係小朋友，唔通馨喬想走性感女神嘅路線！
據馨喬透露，從來沒有為自己嘅工作打算過，因為仲讀緊書，做模特兒只係為興趣，加上好快就要入大學，到時唔知可唔可以適應得嚟，話唔定會為學業減少工作量，所以對於工作根本冇任何規劃，更冇話走唔走性感路線，佢話自己好似家裏隻貓，比較喜歡懶洋洋，去到工作現場，冇設定乜嘢尺度或者底線，好多時都只係配合攝影師，佢要求性感就盡量性感演出，比較隨性而行。照馨喬咁講，以前未過18歲，攝影師都有所避忌，但家陣已經大個女，攝影師嘅要求肯定會愈嚟愈出位，我們做粉絲當然開心，對新作密切期待呀！
出生地：台灣
三圍：32-23-34
身高：162cm
簡介：紀馨喬的面書裏面，收錄咗不少工作時拍攝嘅性感寫真，有啲仲係絕密私照，還有很多其他模特兒嘅合照，值得入去瀏覽一下，
網址：http://www.facebook.com/princess0707
撰文：龍四海