有味Apps：你有幾肌？

喺呢個晒肌肉季節，不論係男或女都應該騷肌。要騷肌當然要操肌，咁應該點樣操呢？今日介紹呢個App就教晒你，最過癮係教你男女可以邊爽邊操練肌肉，問你點可以唔「單撈」先？呢個男女性愛運動加操肌肉App名叫《Sex Bodybuilder》，「單撈」之後，男人就有藉口拖女伴一同操肌，玩法非常簡單，登入後即見到你想操練嘅肌肉部位，例如二頭肌、三頭肌、胸肌、腹肌等，佢都教晒你點樣操練，揀好之後，按照官方提供嘅文字及圖片講解，就可以開始操練。之後仲可以記錄低資料，睇吓自己係咪達標添！