嘩！真係好壯大呀！簡直係造物者嘅傑作呀！我唔係指早前過英國海關時被懷疑褲襠藏有攻擊性武器，後來發現只係佢天生異稟，胯下嘅陰莖足足有13吋半長嘅巨鵰男Jonah Falcon，而係話最近有成千人趕住去睇長度有3米嘅「泰坦之陰莖」！近日法國南特嘅植物園大排長龍，遊客為嘅只係觀賞全世界最大、最稀有嘅「陰莖」！其實佢係一棵植物，名為巨花魔芋，亦稱為泰坦魔芋花，佢之所以咁吸引，係因為花期每10年才有72小時，外形又長又挺，足有3米咁高，有人認為佢似男人嘅性器官，因此吸引眾多遊客慕名而來，即使要排隊都唔介意。