所謂人怕出名豬怕肥，一隻豬被養到夠肥夠大，自然難逃被屠宰變成豬肉嘅命運；而一個藝人太紅亦自然是非多，成為同業狙擊同挑戰嘅對象，就好似當紅日本艷星壇蜜咁，就成日要面對挑戰，而北谷由莉相信係挑戰者當中最具威脅性嘅一位。
近年日本有兩大藝人備受追捧，佢哋唔單只係廣大市民嘅偶像，亦係好多女藝人希望成為嘅目標，呢兩位就係綾瀨遙同壇蜜喇。一般嚟講，以綾瀨遙為目標嘅，多數都希望以演技及高雅形象打入影視界，至於想成為第二位壇蜜嘅就希望以色情同大膽嘅演出風格，加上火辣身材成為一代艷星，而最近北谷由莉就選擇行後者嘅色情路線，意圖挑戰壇蜜嘅頂級艷星地位。今年26歲嘅由莉樣子斯文端莊，屬於正統派美女，其氣質青春活潑又綺麗，笑起上嚟甜到入心仲帶有高度治愈效果，睇落仲有少少似曾紅極一時，迷盡宅男嘅一代水着女神仲根霞，而由莉嘅身材就比霞妹更為豐滿誘人。由莉身高5呎4吋，皮白肉嫩之外，胸前一對天然又飽滿嘅F奶亦比霞妹嘅D奶要大兩Cup，所以由莉可以話係加強版嘅仲根霞。
北谷由莉自2009年出道以來，以拍寫真集同寫真DVD為主，亦間唔中做電視節目主持，例如《價格綜藝》、《女孩子宣言！ AgepoyoTV》等，近期就負責主持《大開運四歲馬大賽馬2014》，而參與電視劇同電影嘅演出就寥寥可數，電影作品暫時只有《斷絕關係村？死亡•終局•生存？》。由此可見由莉嘅曝光率唔算好高，但係阿妹並唔打算就咁虛度光陰直至引退，最近更加發奮，並以壇蜜為挑戰對象。由莉近日推出新一部寫真DVD，名為《愛與罪-禁止的浪花-》，當中大玩全裸誘惑，三點雖然唔露，但係就用手遮胸又搓胸，又或者係胸壓大床，激烈程度同以往可謂三級跳，而唔少動作同表情都學足壇蜜，所以作品推出之後由莉就被人稱為「西之壇蜜」。希望由莉嘅努力冇白費，有朝一日可以同壇蜜並駕齊驅啦。
近期北谷由莉弄貓為樂，成日都會將自己同愛貓嘅合照放上博客同大家分享，不妨Click上去向由莉參考養貓心得。
網址：http://ameblo.jp/kitataniyuri/
年齡：26歲
身高：5呎4吋
三圍：35F-24-35
撰文：賢