單人之力想同龍頭企業鬥？邊有可能吖！打工仔如是，四仔脫星亦然。話說Sovereign Syre出身於OCM模特兒公司，佢紅咗之後，有毛有翼就曉飛，唔再同公司續約，以自由身接Job。結果點？咪成年先拍得幾套四仔同幾輯寫真囉！阿妹知道自己單拖撈唔掂，於是重返娘家。當然阿妹都好識做，對傳媒話返到OCM大家庭真係好開心同榮幸，又大讚公司擁有最優秀團隊以及最頂尖演員，喺度工作係最令人期待同興奮喎！阿妹咁識講嘢，公司老闆都贈番佢兩句，表示好感激Sovereign回歸，仲保證阿妹嘅事業會再創高峰，歡迎各界預約搵Sovereign工作添！呢啲咪叫大樹好遮蔭囉，相信Sovereign日後唔會再離開公司喇！