世界盃進行得如火如荼，球迷睇完一場又一場，唔少老婆都會落禁制令，唔畀老公睇波，亞洲球迷仲可以，但出晒名瘋狂嘅歐洲球迷，真係睬你都傻！好似英國有班球迷，為咗睇一場國際欖球賽事，就呃老婆話出海釣魚，跟住齊齊走去睇波，但又怕被老婆發現，於是就拉橫額寫上「請不要拍攝，老婆以為我們在威爾斯西部釣魚」，負責現場直播嘅攝影師見佢哋咁出位，當然唔會放過佢哋，加上現場嘅球迷人人都有手機，於是將佢哋嘅「罪證」拍低，並放上網瘋傳，結果大話穿晒煲！好多巴打都擔心，球賽未完，佢哋先玩完，所以有網友話無論睇乜波都好，記住先向老婆申請，正所謂天網恢恢，疏而不漏，以為可以心存僥倖，最後只落得慘淡收場！