經常聽人指摘老友話佢有異性冇人性，其實愛情同友情係咪咁難揀？未必！著名情慾小說作家Maya Banks嘅作品《Colters' Woman》，不但話畀大家聽友情同愛情可以並存之餘，老友間嘅義氣更係可以蕩氣回腸。故事講述三個親如兄弟嘅老友Adam、Ethan同Ryan，一直夢想可以遇到心目中嘅女神。喺一個寒冬嘅早上，Adam喺農場門口嘅雪地上發現有個索女暈倒地上，將對方救醒後，至知索女個名叫做Holly，而喺呢一刻Adam已知道自己深深咁愛上對方。經過一番努力後，Adam終於得到好友嘅祝福，只係呢個時候佢哋三個卻得知，原來Holly正被人追殺，而嗰個人正搵到嚟。為咗女，三個男人決定頂硬上！