好多男人都希望同伴侶過住無套嘅性生活，話咁先可以享受到無拘無束嘅性愛快感。之不過，作為一個負責任嘅男人，實在唔應該咁做，除咗要做足安全措施，更應該反思一下，男人只係喺交歡時受到束縛，又點及女人一整日嘅拘束呢？講緊嘅係戴Bra嘅拘束感呀！早前，日本一個調查網站邀請到約1,000名年齡介乎20到30多歲嘅女士接受訪問，當中有55%女士表示工作時戴Bra覺得辛苦，有69%女性仲希望可以喺工作嘅時候除Bra。至於女士們又會唔會工作時除Bra呢？有4成女性表示的確曾經試過返工嘅時候唔戴Bra，估唔到日本嘅職業女性都幾豪放喎！