做運動員其實真係唔係幾着數，後生嘅時候日練夜練，比賽又要搏生搏死，能夠攞到一兩個獎先至有名有利，但係咁又點，到退役往往難以謀生，有部分更要剝衫拍裸照添。不過，有裸照拍都唔係壞事，起碼可以趁機一脫成名，就好似前滑雪選手今井夢露咁。今井夢露14歲就參加全日本滑雪錦標賽滑雪板比賽並成功奪冠，自此喺賽場上馳騁一時，長大之後其美貌更得日本藝能界欣賞，經常搵佢做電視節目嘉賓。之不過，夢露後來狀態下滑，風光不再，仲經歷兩次婚姻失敗，意志消沉之下不斷揮霍，搞到冇錢要攞最低生活保障金。而近年，夢露嘅情況就好咗好多，喺藝能界搵到唔少工作機會，最近仲決定搏盡佢，推出全裸寫真《Be Mellow》。當中，夢露會露全相，將豐滿雙峰以及婀娜身段盡現大家眼前，另外亦會以其魅力十足嘅笑容刺激大家嘅視覺，畀你感受一下夢露從失敗中復活嘅喜悅。