講起四仔，相信巴打們都睇過唔少，尤其係家陣上網咁方便，要免費睇四仔真係話咁易。之但係，由今日開始，以後大家唔好睇咁多四仔喇，因為有可能導致腦部萎縮！根據德國一項新研究，研究員搵嚟64名年齡介乎21至45歲嘅男士參與研究，佢哋平均每星期睇超過4小時嘅四仔，而研究員同佢哋做磁力共振掃描（MRI），發現經常睇四仔嘅人，腦部灰質（神經組織）較少，此外，當佢哋睇到色情影像時，腦部處理推動力部分嘅功能亦會減弱，以致開心同興奮狀態相應下降，可能需要更多刺激才能得到興奮。唔少網友都認同，話自己沉迷睇四仔，反而搞到冇晒性趣，所以奉勸各位巴打，凡事適可而止，千萬咪沉迷呀！