日本人氣美少女組合AKB48入面嘅成員，個個都年輕貌美，唱得又跳得，身材一樣相當睇得，好似小嶋陽菜、前田敦子等都擁有一副誘人身段，更豪不吝惜身材，不時拍攝火辣比堅尼寫真誘惑粉絲嘅眼球，最近作為師妹嘅今出舞亦學埋一份，為大家獻出踏足藝能界最「堅」嘅第一次，首次換上比堅尼拍攝寫真集《my.mai》。
今年20歲嘅今出舞係AKB48嘅姊妹團體SKE48嘅前度成員，為咗到海外升學所以前年至含淚離開團體，最近佢就返到日本作單身發展。今出舞青春活潑又甜美，身材雖然唔係肉彈型，但係夠晒苗條兼健康，今次佢推出嘅呢本寫真集更加首次着上盡騷胴體誘人之處嘅比堅尼上陣，仲特別去到熱情洋溢嘅關島取景，希望以自己嘅火辣身材配合關島嘅美景，令大家睇得開心。
撰文：賢