曾紅極一時嘅美國脫星Tera Patrick，於90年代尾出道，喺四仔界打滾咗十幾年，真係乜都玩過晒，而獎項亦都係乜都攞齊晒，不過 Tera姐依然有心有力，除咗繼續剝衫拍四仔，仲跳入大銀幕演出驚慄電影《Angel of Darkness: The Legend of Lilith》，戲中佢飾演女鬼。據資料顯示，電影公司係TomCat Films，呢間嘢堅呀，經典作品包括《德州電鋸殺人狂》、《猛鬼追魂》、《活跳屍》以及《鬼玩人2》等，真係套套都咁猛呀！至於Tera可以成功爭取飾演女鬼一角，據講係因為阿姐自細係超級驚憟片忠實絲粉，最愛睇《凶兆》及 《驅魔人》，真係估佢唔到！更估唔到嘅係，原來Tera喺2011年曾經參演過印尼一部驚慄片《Moaning of Virgin Ghost》，同樣係飾演女鬼，未知Tera會唔會扮鬼扮上癮，拍番套四仔恐怖片呢？