日本AV界盛事Sky PerfectTV成人放送大賞，搞到咁大壇，但所有得獎女優同AV廠都只係獲得一個獎座，完全無錢落袋。之不過，AV Open就唔同喇，大會送出總數1,400萬日圓獎金畀得獎嘅AV廠，認真大手筆！
今年日本AV界盛事真係多籮籮，年初先有由SOD舉辦嘅SOD大賞，之後又有被稱為日本AV界奧斯卡嘅Sky PerfectTV成人放送大賞，然後又有AV銷售網搞嘅DMM大獎，頒獎予對業界作出貢獻嘅AV女優以及AV廠。而10月7日又有一個頒獎典禮隆重舉行，就係AV Open 2014喇！據資料顯示，AV Open喺2006年由AV集團SOD及《東京Sports》共同舉辦，頒獎予銷量成績佳嘅AV作品，而全年最高銷量嘅AV作品更獲得「日本一」嘅殊榮。之不過，翌年舉辦第二屆嘅時候，被人揭發成為「日本一」嘅作品《藝能人 琴乃240分鐘初體驗》，原來係SOD背後造數，搞到呢個目的係為咗振興日本AV界嘅盛事變成醜事，後來仲停辦埋添。事隔7年之後，AV Open終於重現，今次SOD更搵來兩大AV集團北都以及Prestige一齊合辦添！
早前，AV Open 2014舉行大型新聞發布會，3個AV集團分別派出當家花旦，包括紗倉真菜、花蕾以及彩美旬果擔任宣傳大使，另一方面佢哋亦拍咗一段性感演出嘅宣傳片。消息指出，3大AV集團旗下合共76間大小AV廠會推出79部作品參加AV Open 2014，競逐多個不同獎項，而每個獎項都有獎金，而獎金總數為1,400萬日圓，約100多萬港元。79部作品分為三個級別，風格比較小眾以及小型製作嘅作品列為「Middle Weight」，演出女優數量較多嘅就列為「Heavy Weight」，至於AV廠嘅年度重頭作品就列為「Super Heavy Weight」，每個級別嘅最高銷售3甲可以獲得由10萬至100萬日圓嘅獎金，成為「日本一」嘅AV作品更獲得500萬日圓獎金添！
撰文：賢