D早前在灣仔試了檔「鬼妹」鳳姐，問我要不要「報告」？「鬼妹開鳳樓咁好笑？真定假呀？」我問，D立即回應我，「你信唔信個鬼妹人生路不熟，識得上樓開檔做生意？」
這個倒也說不實，十年前左右，我就在佐敦一幢鳳樓內遇過一個自稱「鬼妹」，卻說得一口流利廣東粗口，但樣子怎看都不太似歐美鬼妹的混血兒，「咩唔係鬼妹呀？我南美血統，不過香港出世咋！」D聽到我的疑惑，立即作出澄清，「堅，但後面梗係有老闆啦，我估。」
好了，我信你，那狀況如何？「上面都有幾檔，老老實實講，雖然索價都係差不多，由八百到一千上下，但質素就比較參差！」D曾經以身試「女」，這絕對是他的心得分享。好了，既然可以入閘了，那囡囡的服務水平又如何？
「可能我唔好彩啦，我撞到嗰個就唔多掂，第一大家言語不通，無乜交流，全程好似各有各做咁，總之就唔投入，無火花啦；二來，唔知係咪水土不服搞到心情唔好呢？總之開波前唔識笑，做嘢又唔笑，唉……」
撰文：黃韋龍