「萌系美女」喺日本大有市場，近年喺內地亦都流行起嚟，佢哋嘅照片大受網友歡迎。而所謂「萌系美女」就係要青春可人，活潑天真，而今日要介紹嘅黃梓潔就係當中嘅代表。
黃梓潔嘅英文名叫做KoKo，家住上海徐匯區。動靜皆宜嘅梓潔，十五、六歲就出嚟做網拍模特兒，一做就有兩年幾咁耐，但佢只係兼職，因為梓潔家陣仲讀緊書。有朋友問佢又讀書，又要做模特兒會唔會好辛苦？梓潔話：「覺得好好玩，所以一啲都唔辛苦！」而佢除咗做網拍模特兒外，近年仲做過車展女郎同電玩展嘅騷女郎，而佢喺舊年嘅電玩展更被網友捧為十大人氣電玩天使添！自此一戰成名，人氣大增，開始有人搵佢做私拍模特兒，但做私拍模特兒難免要性感示人，梓潔又接唔接受到呢？梓潔話：「起初真係接受唔到，仲想過唔做添！」
後嚟梓潔又點樣克服呢？原來佢嘅第一次遇上咗個好好嘅攝影師，明白佢擔心嘅地方，於是喺拍攝前，同梓潔開咗幾次會，講解咗整個拍攝嘅要求同手法，梓潔明白晒之後，就放膽工作，加上第一次性感拍攝，出嚟嘅效果十分理想，所以令梓潔信心大增，於是工作接完一次又一次，近排更成為性感偶像生力軍之一。梓潔除咗外形討好，原來佢仲多才多藝，唱歌跳舞都似模似樣，但佢十分謙虛，話仲要好好苦練一下至可以出山，睇嚟梓潔想喺歌影視三棲發展，絕對難佢唔倒，大把機會走紅呀！
簡介：黃梓潔嘅官方網站中，以下面介紹嘅收錄最多照片，大約十多輯，而且八成都係性感寫真，欣賞前大家準備定紙巾抹鼻血呀！
網址：http://www.moko.cc/post/yellowrabbit/list.html
居住地：上海
三圍：35-24-35
身高：168cm
撰文：龍四海