初吻對於女士嚟講，絕對係難忘經歷，就算幾廿年後諗番起，都一定唔會忘記。最近日本有間公司為全國女性做咗個初吻調查，發現日本女士情竇初開嘅歲數，大約喺16至19歲之間，而平均初吻嘅歲數就係16.7歲，而奪去初吻嘅人，最多嘅竟然唔係初戀情人，而係身邊嘅同學或者普通朋友。調查仲將全國各縣市做個最早獻出初吻比較，頭三位分別係東京、秋田縣同埋長崎縣，而最遲獻出初吻嘅地方，就係愛知縣同埋奈良縣，平均初吻年齡為19歲，差唔多讀大學至有初吻。該調查還有一個有趣嘅發現，除咗地區因素之外，原來胸部愈大嘅女性，就愈遲獻出初吻，真係估佢唔到！