日日咁辛苦工作，當然係希望可以去旅行度假放鬆一下，最好梗係去風光如畫嘅地方，然後無拘無束，甚至係連衫都唔着剝光豬歎世界啦！邊度可以有呢種享受呢？位於墨西哥里維耶拉瑪雅嘅度假中心Hidden Beach Resort被譽為最豪華嘅5星級天體度假中心，設有40多間海邊套房，其他設施如餐廳、酒吧、游泳池、康樂室等應有盡有，最吸引係Check In嘅時候，大家就已經可以剝光豬，因為度假中心絕對容許客人全裸活動，可以真正放鬆身心享受假期之餘，更加可以一覽來自其他賓客嘅春光，認真係一大享受！
撰文：賢