AV達人：脫星雲集晒波打機

純為啖氣

現年37歲嘅美國中女脫星Alana Evans，於1998年入行，喺四仔界乜嘢玩意都試過晒，2007年更做埋導演，由於阿妹敢言敢做，勇於為業界發聲爭取權益，難怪輩分高又備受尊重！至於點解Alana失驚無神搞個「1st Annual XXX Gamer Tournament」，莫非佢想踩過界連宅男獨男市場都唔放過？非也，實情係為啖氣至真！話說Alana係一名超級Game迷，更有寫Blog分享秘技，以及參加各大小電玩遊戲比賽同對手挑機，於2011年阿妹報名參加一個公開電玩遊戲比賽，點知主辦單位竟以阿妹係四仔脫星身份為由，取消佢參賽資格，Alana認為對方有歧視脫星之嫌，谷到火都嚟，於是決定自己搞番個玩電玩遊戲比賽。

姊妹撐場

據知Alana拉埋班脫星Game友，用咗1年時間籌備搞呢個比賽，同時更搞埋網站「PwnedByGirls.com」，主力做宣傳及公布有關消息。今次呢個電玩遊戲比賽絕對唔係「玩玩吓」，Alana選擇喺四仔重鎮洛杉磯開波，搵嚟多位脫星姊妹包括Penny Lane、Monique Symone、Bellatrix Bliss等，以及一班四仔幕後人員撐場，更邀請索女Jessie Rogers擔任司儀，加埋一眾贊助商老闆，成壇嘢好有睇頭！至於遊戲方面更吸引，種類豐富，男女Game迷都啱玩。比賽當日，Alana除咗晒波滿場飛，亦有落場打機，雖然唔係全裸上陣，但佢衣着性感，打得投入時經常走光益街坊。據官網表示，呢個比賽將會於全國巡迴舉行，歡迎男女Game迷報名參加，而Alana更將私下備戰過程製作成短片，不時更新上網畀粉絲睇，阿姐呢招「拋咪引慾」，既可以谷人氣，又可滿足打機私慾，邊個夠佢嚟呀？

撰文：祖