夏天雖然未正式來臨，但係天氣已經熱起上嚟，相信大家出街都已經換上短袖杉。而天氣一熱，好多朋友都會去游水消暑解悶，如果身在外國就更加方便，因為外國唔少住宅都有後花園及游泳池，搞個游池派對就更正。聽講正因為後花園有游泳池，唔少外國人都鍾意同伴侶嚟個水中交歡。不過，最近美國有報道就指出，喺游泳池做愛實在制唔過，原因係水中嘅細菌有機會走入陰道造成感染，泳池水有氯氣消毒亦未必可以殺晒所有細菌，再者含氯嘅泳池水會改變女性陰道內壁嘅酸鹼度，令原本可以保護陰道嘅分泌物失去效用。另一方面，池水亦會減低安全套嘅潤滑功能，交歡嘅時候增加破裂風險，分分鐘會搞出人命！泳池交歡？No Way！