已踏入第9屆嘅女權四仔頒獎禮，「2014 Good for Her Feminist Porn Awards」喺上星期於多倫多舉行，雖然頒獎禮主要表揚一班幕後工作人員，出席嘅脫星唔多，之不過作為專業四仔迷都要知道女權四仔走勢，加上業界猛人坐鎮，得獎作品又點可以唔識先？
今屆女權四仔頒獎禮同歷屆一樣，一共頒發23個獎項，同時宣揚主流市場唔好忽略女觀眾，應該多從女性角度出發拍攝四仔，從而將市場水平不斷提高，令色情界發熱發光。咁究竟點去判斷一部四仔係女權主義或適合女性睇呢？大會就解釋要有兩大要素：第一係作品唔可以全程齋砌，劇情要有情有性；第二係着重前奏過程，演出嘅脫星要有個人風格，床上表現唔可以千篇一律，仲要有不同膚色嘅對手都可以執劑咁囉！
喺23個獎項當中，有3個令四仔迷最感興趣，首先係最佳四仔，得獎作品係由Jacky St. James執導嘅《The Temptation Of Eve》，評審解釋呢套四仔令女性產生快感，加上攝影充滿美感，而且劇情峰迴路轉，講述男女間床上充滿性感、秘密及謊言。跟住係最佳導演獎，由法國女導演Ovidie捧走，呢位女大導屢次獲獎，佢執導嘅作品《Sexual Freedom: Sex Stories 3》創造出一套3部曲華麗四仔，故事講述一班不同階層及年齡女性身體力行追求性愛自由，絕對係實至名歸。最後一個係性教育大獎，由著名性學家Tristan Taormino透過四仔《Tristan Taormino's Guide to Bondage for Couples》教大家提升性趣，除咗正常執劑，亦有溫和束縛及奴役玩法，將平淡性生活變得激情！
總括嚟講，細佬覺得呢個頒獎禮唔夠星光熠熠，冇乜脫星撐場，即係冇女冇波睇，難怪令四仔迷感到失望囉！
撰文：祖