最近日本一間廉價航空公司，為咗增強競爭力，竟然出奇招吸客，由5月開始，空姐會換上全新制服，穿着超短迷你裙為乘客服務，長度僅僅遮住Pat Pat，動作稍為大啲都會走光！有網友話空姐着成咁，喺機艙上工作好唔方便，但亦有網友大讚呢招夠吸引，一定會乘搭呢間航空公司嘅航機，一睹空姐嘅風采咁話。早前航空公司舉行記者會，更招待傳媒上機參觀，據體會過行程嘅記者表示，空姐有3大走光位，第一係當乘客上樓梯登機時，抬頭望就會（目及）到企喺機艙門口嘅空姐裙底；第二係當空姐幫乘客放行李上櫃時，即時露底；第三係派發飛機餐嘅時候，空姐一踎低攞嘢立即春光乍洩。記者訪問空姐們對新制服有乜睇法？全部都話冇問題，仲話會做定預防走光措施，希望大家留意佢哋專業服務，而唔係佢哋雙腿，講嘢真係大方得體。