澳吧吧：把酒當歌醉難忘

雖然有人話近年卡拉OK熱潮退卻，但身邊仍有唔少鍾意唱歌之人，尤其係每當飲咗幾杯後，總會鍾意拎起支咪係咁唱，而呢間位於澳門嘅A1 Bar & Karaoke就一定可以滿足鍾意飲酒兼唱歌嘅巴打！呢間酒吧畀人嘅感覺相當舒服，須知道對歌友嚟講音響固然重要，但係一個舒適嘅環境至可以令佢哋唱得投入。對於酒客嚟講，呢度亦可以滿足到大家，除咗各種大路嘅啤酒、威士忌、紅酒等可供選擇外，雞尾酒嘅質素亦相當抵讚，配以酒吧嘅特色小食更係相得益彰。