美國四仔向來以明刀明槍而深得四仔迷歡心，而喺芸芸四仔片商中，則Naughty America可以話係真軍四仔之霸。呢間始創於2001年6月，並以加州聖迭戈為基地，擁有超過60名員工嘅四仔片商，自成立以嚟經常喺各大四仔片頒獎禮中獲獎。以「Nobody Does It Better」（無人比我更好）為口號嘅Naughty America除咗攝製及分銷四仔外，亦有推出以色香夜生活為題嘅網站及雜誌。喺今年年初，更宣布計劃投資數十萬美元拍攝4K超高解像度四仔，以應對未來市場對超高清作品嘅需求。
網址：tour.naughtyamerica.com
講到美國人氣情色電影嘅經典，呢套喺1985年推出嘅《New Wave Hookers》一定係其中之一。當年參演呢套電影嘅演員可謂星光熠熠，除咗四仔天后Ginger Lynn外，仲有Desiree Lane、Kristara Barrington、Kimberly Carson等十多位，因此電影甫推出即引起哄動。故事講述兩位男主角Jack Baker同Jamie Gillis有日忽發奇想，諗住以音樂嚟催眠一班索女做應召女郎幫佢哋搵錢，傾傾吓佢哋就瞓着大發春夢。為避過法律問題，經刪剪後推出少鹹版本，從而令更多人可以欣賞。《New Wave Hookers》喺1986年嘅AFAA情色頒獎禮中獲得最佳情色場面、音樂、歌曲等獎項，又喺同期嘅AFWG電影頒獎禮中得到最佳電影、服裝設計、攝影等獎項，並於2001年被AVN評為歷年101套經典成人電影中嘅第17位。
講到美國四仔界嘅資深脫星，Nikki Charm絕對係其中一個。呢位出生於1966年2月21日，原名Shannon Louise Eaves，並同時係AVN及XRCO名人堂嘅脫星，喺1986年推出首套四仔作品，由於佢當時個樣太細個關係，並發現Nikki拍攝處女作時只係得18歲，故此曾經引嚟當局對佢未夠秤嘅懷疑，而呢件事間接推高咗Nikki嘅人氣。從佢出道至1990年期間，Nikki拍攝超過50套四仔，呢個數量喺當時嚟講已係相當多。1990年後，Nikki宣布引退轉行跳脫衣舞。之後喺2011年初重投四仔界，喺Naughty America為《Seasoned Players》系列擔任製作經理及演員。