咪懶醒以為NSA即係美國國家安全局嘅簡稱，其實喺一夜情世界中，NSA有另一個特殊意思，就係「No Strings Attached」即解作冇任何附帶條件。每當有人表示佢想搵男或女友並表明係NSA時，即代表佢只不過係想搵一夜情而條件不拘而已。講到一夜情，2013年6月歐洲民調機構YouGov，針對歐洲13個國家進行一項大型性愛專題調查，結果發現喺丹麥有百分之五十一嘅受訪者表示曾經有至少一次嘅一夜情經驗，跟住第二到第四位分別係芬蘭、瑞典及挪威。有成超過半數受訪者有一夜情經驗，咁又真係好似幾誇張喎！