男人通常都係受軟唔受硬，女人向佢呼呼喝喝，即使係叫佢斟杯水咁簡單，亦多數難以令佢屈服；相反，若然女人嗲聲嗲氣開口，要佢赴湯蹈火都會話冇問題。面對眼前呢位女強人，相信任何男人都甘願畀佢征服，因為佢實在太索！邊個咁強？咪就係川村梨花囉。
男人搵女友，都希望搵到一個賢良淑德，仲要弱質纖纖嘅美人兒，好等自己成日有機會發揮男子氣概，對佢百般呵護；其次將佢一擁入懷，佢就貼貼服服咁伏於自己胸膛嘅畫面，相信好多男人都夢寐以求喇。小弟我都認同，不過若然遇到一個夠晒硬淨嘅女強人，掉轉頭畀佢呵護亦都唔介意，當然大前提係呢個女仔要好似川村梨花咁索啦。今年31歲嘅梨花氣質綺麗美艷，高貴得嚟仲帶點冷酷，冷酷得嚟又帶幾分妖媚，畀佢對電眼「矋一矋」，即時有全身抖震嘅感覺，幸好感覺唔係嚇親，而係電親。身材方面，梨花可以話正到無話可說，5呎4吋標準身高，配上35-24-35三圍，全身嘅肉地白滑，胸前嘅G奶更加睇頭十足，以最高嘅「超絕品」嚟形容梨花亦絕對唔過分。
川村梨花身材之所以咁苗條，可能同佢勤練舞功有關，據聞阿妹自細習舞，精通現代、社交等舞蹈，而佢更曾贏過四次現代舞全國比賽嘅冠軍添！雖然梨花自2007年出道成為水着妹之後，鮮有機會顯示其高強舞功，但係阿妹初出道時亦與武有關，因為佢喺2008年被選為日本綜合格鬥技女子活動團體「Hero's」嘅成員。另一方面，由於梨花臂力驚人，所以拗手瓜一樣拿手，唔少綜藝節目都搵佢同男演員比併，如果大家上視頻網站以「腕摔交」搜尋，仲會搵到唔少佢身穿比堅尼拗手瓜嘅片段，而佢幾乎每一次都勝出，絕對係鐵腕女強人。近年，梨花嘅形象亦漸變強悍，上年演完電影《新•S與M 劇場版》後，更開始蛻變成為SM女王，演出寫真DVD時不時以皮革套裝上陣，為觀眾帶來重口味演出。
川村梨花係愛貓之人，佢嘅博客幾乎每日都會上載與貓生活嘅點滴，若然閣下亦係貓奴，不妨上去同梨花交流養貓心得。
網址：http://ameblo.jp/kawamura-rika/
年齡：31歲
身高：5呎4吋
三圍：35G-24-35
撰文：賢