美國係一個先進又發達嘅國家，所以唔少人都以為美國人知識特別豐富。不過，咁諗就係大錯特錯喇！外國嘅月光未必特別圓，美國人亦未必個個都咁醒目，早前就有唔少調查顯示部分美國人嘅知識水平，其實都係得啖笑，例如有人以為Blue-ray藍光碟，係一種海洋生物、MP3係《星球大戰》系列入面嘅一款機械人。而美國優惠券網站vouchercloud.net本身想了解美國人對資訊科技嘅認知度，點知發現有11%嘅受訪美國人以為HTML係一種性病名稱！HTML係「HyperText Markup Language」嘅縮寫，即係超文件標示語言，係用嚟寫網頁用嘅，我10幾年前讀電腦嘅時候已經懂啦！估唔到美國人唔識囉！