渡海濠情:金融才俊 值得長揸

美國哈佛大學最近出咗個調查報告,話無論男女客人只要對方靚仔,就會放心將錢交畀對方投資,至於靚女?好對唔住,係唔夠靚仔爭嘅!所以有生意都會畀靚仔搶晒!嚟自至尊桑拿嘅婷婷就話,難怪每次見親啲金融才俊就腳軟啦!

聽唔明先夠吸引

婷婷話:「我以前揀男朋友真係冇乜要求佢哋做邊行,只要對我好就可以,但近幾年開始,特別鍾意啲年輕嘅金融才俊,佢哋外表大多數高大,行出嚟個格就已經好型仔,自信心爆晒棚咁樣,講嘢有紋有路好似乜都識,講起投資更係大條道理,雖然我好多時都唔知哋講乜嘢,但自自然然就會被佢哋迷住,頭腦一片空白咁靜靜地聽佢哋講嘢,我身上冇錢咋,有我都第一時間攞晒畀佢投資啦!」

大手吸納長期投資

咁你有冇對佢哋另類投資呀?婷婷話:「我冇錢啫!但可以個人投資嗎?一於做晒佢哋嘅女朋友,唔怕話你知,我有六個男朋友,有五都係做金融投資,雖然家陣都只係打工仔,但只要有一個跑出,我都發達,唔計佢賺大錢嘅花紅,單係佢升職或被人挖角,聽講都不得了,所以呢啲咁好嘅優質股,點可以唔大手吸納長期投資呢?而且佢哋做開投資,啲錢大上大落,消費時唔會孤寒,今年情人節我收嘅禮物價值數以萬計,你話係咪最佳投資呢?」

婷婷profile  

年齡:20歲

三圍:33-23-34

撰文:小德

攝影:阿昌