近年香港電視台興起唔少真人騷節目，多數都係講女仔搵男友，或者男仔搵女友，最近就有一個係幫女藝人搵個好男人添！其實呢類節目喺外國已經興起多年，近期仲有一個內容非常激烈嘅節目上演添！有幾激？於廣大觀眾面前做愛你話夠激未？一個名為《Sex Box》嘅英國電視真人騷節目即將轉戰美國，當中邀請多對男女上場，然後去到有眾多現場觀眾嘅錄影廠當中嘅特設房間內做愛。雖然房間透唔出半點春光，但係房內有收音設備，男女於雲雨之間嘅聲浪可以清楚畀大家聽到晒，而節目亦同時要求男女於房內盡情談情說性，同大家分享做愛感受以及技巧，認真夠晒出位！