日本AV業係當地一大產業，每年帶來不少經濟效益，日本成人頻道SkyPerfecTV特別於2005年起舉辦SkyPerfecTV成人放送大賞，以表揚為業界付出汗與淚嘅AV女優，經歷多年發展，大賞已成為日本AV界嘅奧斯卡，小記有幸於今年舉辦當日到現場採訪，見到班得獎女優個個都開心到喊，小記都不禁濕晒……唔好心邪！係眼濕濕咋！
作為一個新聞從事員，特別係記者，獲邀採訪大型盛事，絕對係一份光榮任務。小記應nowTV邀請，遠赴日本參加SkyPerfecTV成人放送大賞2014，直擊現場實況。就等小記為大家報道當日盛況，分享當中嘅熱烈氣氛啦！小記當日去到大會會場，見到大班AV迷集結於門外等待入場，佢哋有秩序地排隊慢慢入場，但係點解條人龍長得咁交關呢？原來大會派發咗四百張入場券畀AV迷，唔怪得咁多人啦。
記者有大會職員細心安排，入場做好採訪準備，當然唔使同人逼啦！場內座無虛席，大會準時於七點半開始。首先，舞台上嘅大型屏幕播放歷屆部分獎項得主嘅致詞，包括翔田千里、Rio、成瀨心美等等。之後，大會就先頒發作品獎，得獎作品就係由上原亞衣以及尾上若葉兩位巨乳小花主演嘅《Etchitch二人的美少女》。由於尾上若葉已經引退，故此就由上原亞衣代表上台領獎。佢一場出就掌聲雷動，而見到咁多粉絲支持兼且作品是從一萬部當中脫穎而出，亞衣致感謝詞時眼淚流個不停。
到重要環節，就係宣布最優秀新人獎嘅時候，候選人板野友紀、水澤乃乃、葉山芽衣以及白石茉莉奈依次出場。大家輪流講完感受，各自向粉絲表示多謝支持之後，上屆得獎者紗倉真菜就親身將獎項頒到同廠師妹白石茉莉奈手中，得獎嘅茉莉奈亦不禁淚流滿面。到最優秀熟女獎，就由全場最年長嘅49歲AV女優一条綺美香奪得！當日綺美香一身低胸吊帶裙，於燈光照耀之下，巨大酥胸更見巨型，難怪一彎身鞠躬，前排班AV迷個個都企晒起身啦！輪到頒發最矚目嘅大獎——最優秀女優大獎喇。大會先請出上屆得主，有新一代潮吹天后美譽嘅佐藤遙希出場，緊接就係候選人初美沙希、波多野結衣、上原亞衣、淺野惠美、吉川愛美以及櫻木凜登場，大家一字排開，而台下AV迷個個都屏息以待。
到獎項宣布，得獎者就係紅遍亞洲，有「暗黑林志玲」之稱嘅波多野結衣！台下掌聲雷動，除咗大班男士狂呼，仲有不少女聲出現，可見結衣嘅魅力連女人都迷倒。另外，台下仲有批粉絲齊齊舉起螢光棒對住結衣以示支持！而結衣得知得獎，雙手掩面流淚兼且開心到跪低添！佐藤遙希上前親手頒獎，同結衣大家都難掩感動之情，雙雙頭貼頭，胸貼胸咁攬作一團，場面真係感人，連我都不禁流下幾滴男兒淚！最後，一眾到場嘅AV女優手持藤籃出場，齊齊向台下拋出性感內褲，搞到台下班AV迷個個爭住搶，只可惜小記我公務在身，被困於採訪區，如果唔係都衝埋去搶埋一份，而今屆SkyPerfecTV成人放送大賞就喺大家熱烈搶底褲之下順利落幕。
2008年出道嘅波多野結衣氣質無與倫比，佢有「暗黑林志玲」嘅稱號就知道佢唔講得笑喇。身材方面，志玲……應該係結衣一樣好到不得了，一副35E-23-33嘅身材，美巨乳、纖腰、美腿以及白滑肌膚統統有齊，迷盡萬千AV迷。不過，結衣雖然咁索，但係出道之後一度人氣低迷，更加搞到要拍四仔。但係拍完四仔之後，結衣居然有復甦迹象，唔單只愈來愈紅，拍片愈來愈多，更開始跳出日本。以上年為例，結衣就多次去到內地同台灣做騷，曝光夠多，加上作品隻隻都係精品，結衣今次榮獲最優秀女優殊榮自然當之無愧！
有份角逐最優秀女優獎嘅上原亞衣上年表現同樣出色，據日本最大AV銷售網資料顯示，亞衣嘅作品總銷量於2013年上半年最強，總結全年更加成為DMM 2013年年間女優排行榜冠軍！可見實力非凡。事實上亞衣的確質素超班，除咗可愛天真，全身肉地又白又滑，兼且擁有E-Cup極品美巨乳，佢嘅床上技巧更加樣樣皆精，潮吹更係拿手絕活。另外，亞衣演出仲冇底線，後花園一樣無限開放，而佢同尾上若葉兩姊妹合作極有默契，攜手擒男又得，兩妹互磨又得，表現精彩到肉，得到作品獎絕對實至名歸。
特派記者：賢