渡海濠情：維繫婚姻三秘訣
有宗教領袖喺情人節，向一班準夫婦傳授維繫婚姻秘訣，就係記緊三句真言：「唔該、謝謝、對不起。」嚟自大富豪桑拿嘅小麗，就話極之贊同呢種講法！
攞到着數
小麗話：「我阿娘自細教落做人『禮多人不怪』，所以我由讀書時代開始，就特別講禮貌，喺學校裏面除咗對老師校長講禮貌之外，連同學都會唔該前唔該後，就連學校工友幫我哋送飯打掃，我都會大大聲講謝謝，所以我喺學校除咗深得師生歡迎外，就連校工都特別錫我，我小息去食物部買魚蛋，一定畀人多兩粒，畀細包飲品價錢，阿姨就會畀大包飲品過我，食午飯時更係飯少肉多湯夠熱，所以我好細個就明白到，講吓唔該、謝謝嘅好處。」
妙不可言
咁對唔住呢？呢句又幾時學曉呢？小麗話：「呢句喺學校真係好少用到，因為畀老師捉到錯處，通常都會由老師問你知錯未？你答『知錯』就好，因為對不起，係要自己主動發現錯誤時講，所以出嚟做嘢之後就焗住要學，只要一做錯事，上級未鬧你，你就要先道歉，上級自然怒火全消，就算鬧都係一句起兩句止，絕對萬試萬靈，其實除咗職場上可以用，用嚟對付男朋友亦可以，所以呢三句話真係好使好用，妙不可言！」
小麗Profile
年齡：23歲
三圍：36-25-35
撰文：小德
攝影：阿生