澳門Style：泰式酸辣蝦

天氣寒冷，食啲辣嘢真係最好不過，但食嚟食去都係四川或者湘贛風味嘅辣菜，食得多真係有啲悶。前兩日上咗澳門大富豪桑拿，發現佢哋有味「泰式酸辣蝦」，值得介紹一下，首先大廚選用澳洲急凍鮮蝦，隻隻肉質鮮嫩，解凍後抹乾身，用少少鹽同胡椒粉調吓味備用，之後用芹菜、荷蘭豆同埋少許鹹酸菜嚟做配菜，話明「泰式酸辣蝦」，當然唔少得泰國香茅同各式香料啦，之後用葱頭同薑片起鑊，把配菜落鑊炒至七成熟，再落其他香料同師傅秘製嘅酸辣汁，即時香氣撲鼻，最後把鮮蝦放埋落去快炒，分零兩分鐘後熄火再兜幾吓，令酸辣汁沾滿蝦身，上碟時仲以為係清炒蝦仁，但食落清甜爽口，先酸甜後辛辣，但辣味唔霸道，因為用咗薑片同泰國香茅等配料，食後雖然渾身發熱，但嘴巴一啲都唔辛苦，值得推介畀大家！