美國嘅四仔夠激夠大堆頭，大可以買碟返屋企睇到夠。其實四十二年前，四仔曾經登上大銀幕，第一部上映嘅就係《無邊春色綠門後》，尺度比起經典情色片《深喉》更激更大膽。今日小弟就為大家介紹呢部戲嘅女主角Marilyn Chambers（瑪麗蓮錢柏斯）。
瑪麗蓮錢柏斯1952年於美國羅得島州出生，父親從事廣告界，而母親就係一個護士。據瑪麗蓮錢柏斯喺一次訪問所講，細細個就好鍾意表現自我，乃係家中嘅小明星，更夢想成為演員。16歲嘅錢柏斯就已冒充母親簽名，令自己可以唔使返學。唔返學去邊呢？咪去睇吓邊度請演員同歌手，去試音同試戲囉。後來，終於搵到演戲機會喇！1970年，錢柏斯被挑選演出由芭芭拉史翠珊主演嘅電影《俏冤家》其中一角，雖然只係二打六角色，但都令佢相當高興。之後再開展模特兒工作，更因為年輕貌美，端莊斯文而被洗衣粉品牌睇中，搵佢做洗衣粉女郎，美貌印上產品包裝盒。及後移居三藩市發展，就開始裸露生涯，做裸體模特兒及艷舞女郎工作。
喺三藩市發展期間，某日錢柏斯見到有廣告話招請女主角，於是就膽粗粗去應徵。當面見色情電影名導演米歇爾兄弟，先知道原來係請四仔演員。起初錢柏斯心裏都十五十六，但係米歇爾兄弟就話呢部叫做《Behind the Green Door》（無邊春色綠門後）嘅電影將會登上大銀幕。錢柏斯考慮咗一陣，又見劇本吸引，再加上佢提出收取部戲嘅十分之一收益做花紅，而米歇爾兄弟又應允，於是答應一嘗做女主角嘅滋味。1972年《無》片經過重重困難成功登上美國戲院大銀幕，成為第一部公演嘅四仔，本身已經夠哄動，當中錢柏斯除咗作全裸演出，更同男演員打真軍，有一幕嚟個空中飛人，同一名男演員交歡之餘仲為其他三個男角吹奏，最後仲飽受顏射，尺度比起《深喉》仲要激。《無》片除咗令錢柏斯名利雙收，作品更被譽為令情色電影與色情電影融為一體嘅革命之作！
撰文：賢