宅男天地：長腿水着少女

日本人氣電玩《光明》系列作品多多，而出色嘅人物設計更係成為模型迷收藏嘅對象，只係來來去去都係按照原著設計嚟生產，就算係忠實粉絲唔多唔少都會有視覺疲勞之感。呢個嚟自2010年推出嘅《光明之心》女角妮莉絲•菲林姆模型，就以少見水着Look登場，畀到大家唔少新鮮感。外形俏麗嘅妮莉絲不但擁有高挑身材，巨乳加修長美腿更成為焦點。此外，玩家可親手除咗佢條迷你裙，盡覽誘人無比嘅美腿。