早前一名48歲渾身肌肉嘅男子，喺澳洲悉尼邦迪海灘攀石，據知佢係攀石高手，經常嚟到海灘攀石，可以話佢合埋雙眼都識得點爬。殊不知佢竟然老貓燒鬚，不慎失足摔斷雙腳，之後佢送入醫院做咗7個鐘頭手術，結果手術成功，但醫生話佢至少半年內唔能夠再攀石。有老友探望時問佢點解會失手？佢坦白話爬到一半時，從高處發現下面石灘有美女喺度日光浴，望多兩眼就令佢分神，跟住就跌咗落嚟喇！呢個故事教訓大家，做任何事最緊要專心，就算眼前出現裸女都好，千祈咪分心，否則後果嚴重！
撰文：小德