澳門夜生活多姿多采，如果想與一班朋友把酒談歡，有好多優雅又不失貴氣嘅優質酒吧可供選擇。提到這類酒吧，可能有唔少人會諗起位於氹仔一帶大型酒店當中嘅酒吧，但位於內港附近亦有唔少上上之選，例如澳門十六浦索菲特酒店一樓大堂嘅大堂吧（Rendezvous）。酒吧地方闊落，以金啡色為主色配上歐陸風格嘅裝潢，豪華得嚟又唔會俗氣，於當中品嘗美酒佳餚絕對係高級享受。酒吧之內，大家可以品嘗到極具特色嘅雞美酒以及各式名牌美酒，味蕾享受美酒同時，整個人都沉醉於舒適高貴環境當中，實乃人生樂事。除咗夜晚有得歎，中午亦唔可以錯過，因為大堂吧由中午兩點至五點都提供法式下午茶套餐，有精美法式茶點又有香檳品嘗，唔經唔覺就由中午悠閒地歎到夜深。